Autoescuela carbayon oviedo
Viernes, 12 Enero 2018 17:21

Como escoyer la to autoescuela

Rate this item
(0 votes)

 

 

 

 

 

 

 

1. L'AUTOESCUELA

Busca una autoescuela afayadiza que t'apurra garantíes de calidá. Anque paeza una obviedá, ye vital escoyer bien l'autoescuela na que vas recibir les clases, tanto teóriques como práutiques. L'autoescuela tien de tener ciertos estándares de calidá nes sos instalaciones, con profesores formaos/es y titulaos/es y el material didáutico actualizao, N'Autoescuela Carbayón tienes a la to disposición una sala con quince puestos informáticos y aula con medios audiovisuales pa facilitate la comprensión del temariu.

2. CLASES TEÓRIQUES

Esíxite a ti mesmu/a recibir el númberu abondu de clases teóriques. Escaezte d'esa lleenda urbana que diz que los test son abondos pa presentate al exame, ensin necesidá d'estudiar el temariu. Debes d'esixir que se te dean clases teóriques, que te cunten el porqué de les coses, qu'entiendas bien los conceutos. Hai que tener bien claro lo que nos espliquen, porque d'eso va depender la seguridá de munches persones. N'autoescuela Carbayón vas disponer d'un profesor/a na aula mientres tol horariu en que tea abierta, escaezte de les clases teóriques a unes hores determinaes.

3. DE MEMORIA, NON

Non memorices los test ún a ún, ye una mala estratexa. Tienes que dir a clase non solo a facer test, sinón a esixir saber por qué se llexisla d'una o otra manera, por qué ye peligroso usar un GPS, por qué se debe caltener la distancia de seguridá… Memorizar un test nun tien sentíu porque nun se tien la base pa conducir un vehículu y nun se conoz la normativa. Ye demasiao serio como pa tomalo a lo llixero. Y recuerda que l'oxetivu de los test ye pa ensayar exames, non pa estudiar y deprender.

4. ENSIN PRIESES

Nun tengas priesa por deprender el temariu en pocos díes. Invierte'l tiempu necesariu pa saber que domines tolos bloques del llibru. Namái cuando tengas un balance global de que domines too, en mayor o menor midida, ye cuando puedes plantegar dir al exame. Hai alumnos/es qu'eso lo faen en 15 díes y otros/es que precisen trés meses, eso depende de caún/a. Nun afites una fecha.

5. TRÉS FALLOS

Llega preparáu/a al exame y concénciate de que puedes cometer trés fallos. Nel exame enfrentaráte a 30 entrugues. Equí surde otru falsu mitu; el de les entrugues trampa. Eso nun ye verdá. Nun se va pillar a naide, nun ye la política de la Dirección Xeneral de Tráficu (DXT). Si tenemos claro too y llegamos al exame con base abonda, vamos aprobalu. Si fallamos 6, 7, 8 entrugues… eso quier dicir que nun tamos preparaos/es. Ponémonos nerviosos/es cuando somos conscientes de que nun lo sabemos bien.

6. CLASES PRÁUTIQUES

Aprovecha les clases práutiques p'aprender a conducir. Eso d'enséñame los trucos y les trampes del exame p'aprobar qu'a conducir voi aprender después, esi ye'l camín seguru d'aumentar la probabilidá de tener un accidente, recuerda que nun esisten los trucos p'aprobar. Un/a examinador/a valora de forma conxunta'l cumplimientu de la norma y la seguridá cola que se ta aplicando al volante. Si conduces con seguridá ye porque conoces la normativa, percibes los riesgos, antemáneste, caltienes la distancia fayadiza…Da les clases necesaries, otru falsu mitu ye aquel de ‘yo aprobé con 3 clases’, nun te presiones, naide meyor qu'el to profesor o profesora p'asesorate nesi sentíu.

7. L'EXAME

Cuando xeneres seguridá a la to alredor y cumples les normes, yá puedes planiar el to exame práuticu. El conceutu de ‘doi cuatro clases y preséntome a exame’ ye un erru. Dir asina nun sirve. Conducir nun ye saber remanar los mandos, va más allá: l'alumnu/a tien de saber percibir los riesgos que tien al so alredor. Y hai qu'aprender a aplicar la norma qu'aprendió nes clases teóriques. Si non, nun sirve de nada.

8. LOS NERVIOS

El día del exame prácticu nun tires de memoria y empresta atención a les instrucciones que recibes. Los nervios nun apurren nada y l'examinador/a nun busca metete en nenguna encerrona. Sé prudente y nun basties. Hai muncho mitu sobro que los/es examinadores van cazar el fallu o que te suspenden por coses como tascar la oreya. Nun ye cierto.

9. COMODIDÁ

Antes d'empezar l'exame, siéntate bien al volante. Paez una fatada, pero la ergonomía ye fundamental pa encarar la prueba con garantíes. Tienes que tar cómodu/a al volante, llegar bien a los mandos, mirar bien pelos espeyos. Y recuerda que, antes d'arrincar el motor, l'examinador/a puede preguntate ónde s'echa aceite al vehículu, per ónde se carga'l combustible o cómo se comprueba la presión de los neumáticos.

10. ENSIN TRAMPES

Y márcalo a fueu, nun hai trucos, nin itinerarios preafitaos nin preguntes trampa. Nun s'escuerre eso nin na enseñanza de la conducción, nin nos exames.

 

 

Read 90 times
More in this category: « La fuelga en cifres

Non sólo deprendemos a aprobar,

tamién a conducir

Utilizamos cookies propias y de terceros para realizar el análisis de la navegación de los usuarios y mejorar nuestros servicios

Si continua navegando, consideramos que acepta su uso. Puede obtener más información, o bien conocer cómo cambiar la configuración. MAS INFORMACIÓN

ACEPTO