Clase 12

Logotipo Autoescuela Carbayón con fondo transparente

1.- CIRCULACIÓN XENERAL → CG (60')

OXETIVU

Puesta de mancomún de too lo aprendío, integrándolo na conducción habitual. Lóxicamente ye imposible realizalo tou n’una clase asina que se va dir faciendo en clases socesives, poniendo siempres más énfasis no que s’execute peor.

CONTENÍOS

  • Los cambeos de dirección, esquierda y derecha.
  • Les riegles RSM y VPO.
  • Posición del vehículu en víes urbanes.
  • Los espeyos retrovisores.
  • Franquéu de los distintos tipos d’intersecciones.
  • Señalización vial: orde de preferencia ente señales, diferencies ente flecha verde intermitente y flecha negra sobro mariellu intermitente.
  • Usu correctu de los carriles circulatorios; disciplina de carril.
  • Incorporación víes por carriles d’aceleración.
  • Abandonu de víes por carriles de deceleración.
  • Parada y estacionamiento en llínea, paralelu y diagonal. Etc.

EXERCICIOS

  • Circular por tou tipu de víes urbanes, incrementando adulces la dificultá de les víes y de los cambeos de dirección.
  • Encarar intersecciones y situaciones nes que sía difícil dase cuenta del carril pol que se debe de circular.
  • Hacer ver la necesidá de circular siempres pol carril fayadizu.
  • Estacionamientos y paraes en dambos llaos y de toles maneres posibles.
  • Circulación de forma non dirixía o siguiendo dalguna dirección

EVALUACIÓN

  • Tien de sese capaz d’aplicar les riegles VPO y RSM al devasar intersecciones.
  • Deben de realizase de forma automatizada les miraes correspondientes para realizar el franquéu de la intersección con seguridá .
  • Debe de posicionase el coche correchamente, para franquiar la intersección.
  • Tien de sese capaz de franquiar les intersecciones de visibilidá media en segunda marcha, les de visibilidá amenorgada y condiciones desfavorables en primera, utilizando la combinación embrague/frenu si ye necesariu.
  • Tien de conocese l’orde de preferencia de les señales, y como actuar en los carriles que tienen les direcciones de xiru definíes.
  • Debe de realizar xiros y cambeos de dirección ensin invadir carriles reservaos al sentíu contrariu o otros carriles de nuestro sentíu de la circulación.
  • Tien de sese capaz d’incorporase y abandonar les víes polos carriles correspondientes.
  • Tien de sese capaz d’aparcar ensin l’ayuda del/a profesor/a.
  • Tien de sese capaz de circular de forma fluyida ensin indicaciones y tamién de siguir la señalización pa llegar al sitiu riquíu.
Facebook